Fasnacht 2019 - «Narrefreyheit»

VERSCHNUUFFER STAMM ZEEDEL 2019

Sujet: "NAAREFREYHAIT"

E feyne Zytgnoss syg der Narr
maischt sehr subtil und wunderbar
ironisch, spitz und ganz präziis,
wenn är aim fiehrt uf s glatte Yys.
Der Spiegel heeb är aim voor s Gsicht,
was är aim sait, das het vyyl Gwicht.

Sy Job isch aber nid nuur glatt,
denn Unaagnääms het me gschwind satt.
Drum lauft är Gfoor, wenn är z vyyl stupft,
dass me mit ihm e Hienli rupft,
statt dass me sälber sich kasteyt –
e Falle, wo me oft dryygheyt!

Empfindlig syy, das ligt Dir färn,
zum Narre ghalte wirdsch nid gärn,
De findsch es glatt, wenn me Di narrt –
solang der Narr der Aastand waart.
De bisch als gärn e glatte Narr –
syg s nuur im Ussgang an der Bar…

Vo Naare wärde mir regiert
und leider – das wird oft negiert – 
nid numme, wenn die – däät me maine –  
drey scheenschte Dääg vom Joor ys aine.
S herrscht leider duurend Riisegschrey,
denn mir sin gar nimm Naare frey!

Das foot scho by-n-ys z Basel aa,
wo me sich ärnschthaft frooge ka,
eb wirgglig alli guete Gaischter   
die Stadt verloo hän und de Maischter
im ganz absurde Sonderdängge
wänn maximale Freyruum schängge:

Ganz vorne stoot do d Schuggerey:
Um ihri Faarzyyg git s e Gschrey,     
wieso das Luxusgläpf mien syy,
das lyychtet aim denn gar nid yy.
Mien die ihr Ego therapiere
indäm si Tesla X chauffiere?

Hän die äggscht fräch druf spekuliert,
s wurd Granggekasse finanziert?
Der Elon Musk, dä passt do guet,
wie-n-är sich inszeniere duet.
Dä gspyyrt sich zyttewyys au nimm,
nur isch es derte nid no schlimm.

Eb är im Interview kurz kifft,
eb e Raggeetli ihm abschifft
e neye Roadster grad dermit
isch nid das, wo ihm Kopfwee git…
Au d Börsereegle sin ihm Wurscht,
no Schlagzyyle het är schwär Durscht.

E Zeedel ooni Trump wurd gfalle!
Wie gärn wurdsch au der greescht vo alle
globaale Naare, wo s so git
kurz ignoriere – das goot nid!
Der Trump, dä schaltet voll uf stuur
und mecht nid nuur im Kopf e Muur…

Nid suuber sin die Brexit-Britte:
Die bruuchte alli Ranzeschnitte!
Sy faare s UK voll an d Wand
und heebe stolz zum Gruess no d Hand…
Ganz bsunders schoggt d Theresa May!
Do stuunt me ob däm hoole Ai.

D Franzoose mit de gääle Hoose
mit de griene Fingge – pfui, die Lingge!

Der Ueli Muurer macht Diät:
Ka-Shoggi, Kääs und früsches Brät…
Der Beset kunnt an Vogel Gryff
Der Parmelin het s Hemmli styff…
D Frau Somaruga hoolt no Cassis
Am Härd zum Koche heert me passis…
D Frau Käller hämmer glatt vergässe – 
das stoot im aigene Ermässe…

S isch Naarefreyhait nid nuur scheen –
Leest äggscht e Muure das Probleem…?
D Comedians, die liide au,
der Trump stihlt ihne eifach d Schau!

S isch die Idee grad äähnlig schlau

und trotzdäm sin mir gärn au närrisch
e Narre gfrässe

Spitaalfusioon e Narr, wär das nid wott!
Der Elon Musk isch au e Narr
Uf neudytsch haisst är whistleblower

Unterflurcontainer
Club de Bâle: Narreverain

Mäss Basel Wirtschaft / Uhren- und Schmuckmesse
Si faare – das isch allerhand –
d Mäss Basel Vollgas grad an d Wand!

S isch schwiirig gueti Naare zfinde
Well niemerts sich eso mecht binde

Mir wurde als gwiis besser faare
Wäre mir ganz frey vo Naare…